Shpërthimi në Londër, qytetarët në Panik. Hetohet për sulm terrorist

Detaje të reja dalin nga shpërthimi që ndodhi në një tren nëntokësor të linjës së qarkut në Parsons Green, në jug-perëndim të Londrës.

Pas panikut dhe tmerrit në radhët e qytetarëve të shumtë të pranishëm mediat britanike flasin për disa persona të plagosur nga shpëthimi i një kove.

Autoritetet flasin për rreth 20 persona që kanë mbetur të plagosur nga ky shpërthim, ndërsa fatmirësisht nuk raportohet që të ketë viktima.

Mes të lënduarve ka pasur edhe fëmijë. Hetimet e para po shtrihen për një sulm të mundshëm terrorist, ndërsa Policia londineze i është vënë pas një personi që ka pasur thikë në dorë.

Nuk do të ishte hera e parë në muajt e fundit që Europa goditet nga sulme të tilla. Po ashtu në momentet që flasim ka paralajmërime për një bombë të dytë, ndërsa lëvizja e trenave është paralizuar. Në të gjithë Londrën janë shtuar ndjeshëm forcat e sigurisë.

(E.K/SHUPLAKA)