Shpërthimi në Shkodër, flet shefi i Komisariatit: Nuk kemi ende informacion për autorin

Mëngjesin e së shtunës Shkodra u trondit nga shpërthimi i fuqishëm me eksploziv ku mbetën të plagosur 8 persona. 

Deri më tani dyshohet se si  qendër e këtij sulmi ishte  Lulzim Kulla, një personazh me precedentë të mëparshëm penalë. Mes të plagosurve, ishte edhe Lul Kulla, i cili ndodhet në gjendje të rëndë në spitalin e Traumës. 

Shefi i Komisariatit të Shkodrës, Hamdi Shullani, ka zhvilluar një takim paraditen e së hënës me kryetaren e Bashkisë Shkodër, Voltana Ademi. Në deklaratën e tij për mediat, Shullani u shpreh se takimi në Bashkinë Shkodër ka qenë rutinë, në lidhje me koordinimin e punës për ruajtjen e rendit dhe të sigurisë publike.

Por ai ka folur pak për ngjarjen e shpërthimit. Sipas Shullanit, është bërë kqyrja e kamerave të sigurisë në laboratorin e kriminalistikës Tiranë por mesa duket nuk ka ende asgjë konkrete për autorin.

“Nuk ka ende asnjë detaj mbi autorin që vendosi motoçikletën ne hyrje te  godinës dy katëshe, e cila kishte edhe tritolin. Për ngjarjen po vijojmë hetimet, jemi në bashkëpunim me policine e përgjithshme”, u shpreh shefi i Shkodrës.

Deri më tani raportohet se nga shpërthmin e shkaktoi tritoli i cili ishte i vendosur në motoçikletën e parkuar aty. (J.V/Faxweb)