Kreu i Bashkisë së Vlorës, Dritan Leli duke folur për ‘’Fax News” është shprehur se situata sot në Vlorë është përmirësuar, ndërsa ka pranuar se ndërtimi i autostradës ka shkaktuar një sërë problemesh.
“Situata në krahasim me natën është përmirësuar. Ka një rënie të nivelit të ujit me 50 cm. Ne jemi të gjithë në territor, po ashtu dhe shtabi i emergjencave ka punuar me turne përgjatë gjithë natës. Zonat më problematike janë fshatrat Fitore dhe Bishan”, u shpreh Leli.
Duke iu referuar familjes Sadikaj, tre prej antërave të tyre kaluan natën jashtë Leli u shpreh se ata me vullnetin e tyre nuk kanë dashur që të evakuuohen.
“Familja Sadikaj nuk ka dashur me dëshirën e saj që të evakuuohet. Një nga djemtë punon në Bashkinë e Vlorës dhe unë kam pasur një njoftim me ta. Sasia e ujit që po bije nga lumi i Vjosës është në situata të mbinatyrshme”, u shpreh më tej Leli.
Referuar pyetjes së gazetares Armela Ferko nëse autostrada ka përkeqësuar situatën, Leli u shpreh padyshim që po, dhe se projekti duhet që të rishikohet.
‘’Pika më problematike në zonë është autostrada e re që është ndërtuar, pasi ka një ngushtim në një pikë të saj. Krijohet një hinkë në një pjesë të autostradës dhe kjo duhet që të rishikohet”, u shpreh më tej Leli.
Kreu i Bashkisë së Vlorës i ka quajtur gënjeshtër pretendimet e banorëve se kanalet kulluese nuk janë pastruar.
(E.K/FAXWEB)
Discussion about this post