Kreu i PDIU-së Shpëtim Idrizi, ka një zgjidhje për krizën politike. Sipas tij, në zgjedhjet e 18 qershorit të gjitha partitë duhet të garojnë më vete, pasi kështu kriza mund të zgjidhet në moment.
“Ne kemi propozuar që opozita të kthehet në parlament, ne kemi propozuar ndryshime në sistemin zgjedhor. Kemi një sistem ku jemi të detyruar të futemi në koalicion, por të dy partitë e mëdha numërojnë, sot ne kemi legalisht vjedhjen e votave nga dy partitë, ne kemi propozimin e një reforme zgjedhore, nëse nuk mund të bëhet, të kemi votimin elektronik të paktën. Të gjithë partitë të garojnë të vetme në këto zgjedhje dhe kriza zgjidhet në moment.
Në atë çka unë mendoj dhe arsyetoj politikisht, PD-ja ka të gjithë të drejtën e zotit të kërkojë garanci për të hyrë në zgjedhje dhe jo qeveri teknike. Garancinë ne ia kemi dhënë. Ne jemi në atë që të ulemi në tryezë.”, tha Idrizi. (D.D/Shuplaka)
Discussion about this post