Shpëtim Nazarko në merak për Edi Ramën: Do e varin në shtyllë se po bën reforma

Analisti Shpëtim Nazarko ka pasur një merak të madh së fundi, fatin e kryeministrit të vendit, Edi Rama. Sipas Nazarkos reformat e mëdha që kryeministri po bën në vendin tonë, kanë ngjallur pakënaqësi në rradhët e qytetarëve, aq sa mund të bëjnë që Edi Ramën ta varin  në shtyllë.

Në replikë me të ka qenë gazetar Arjan Çani, i cili është shprehur se këto reforma të përfolura, nuk po rezultojnë të jenë të suksesshme.

Pjesë nga debati:

Nazarko: Ky njeri po hy në konflikt me grupe të caktuara shoqërore, pra po të kërkon me zor ato lekët e energjisë

Çani: Stop, a i merr dot apo jo o Shpëtim. Ai po tregon se i merr.
Nazarko: Po ti do flasësh prap, fole njëherë.

Çani: Do flas se s’kemi debat.
Nazarko: Po se s’di të bësh ti Arjan.

Çani: Ti po bën propagandë. Është punë e qeverisë të bëjë reforma, por sa i përballon populli këto reforma.

Nazarko: Së pari këta të huajt që edhe mund t’i ketë blerë ky. Po të gjithë t’i ketë
blerë, duhet të ketë shumë para.
Çani: Dhe shumë mirë ka bërë dhe unë do i kisha blerë po të kisha mundësi.

Nazarko: Ky mund të bënte si Fatos Nano, mos të vinte asnjë lloj takse. Por ky e ka marrë këtë kosto. Dhe do përfundojë i varur në shtyllën e telefonit. Ne marrim 300 mijë lekë mesatare. Kur ky t’u marri 200 mijë lekë taksa ata do e varin në shtyllë Ramën dhe Bashën. Qeveria po mbledh edhe taksat e atyre që janë në fshat.

Çani: Tatimin mbi të ardhurat e paguajnë vetëm 12 mijë njerëz në Shqipëri. Unë s’kam transparencë për ato para që më marrin.

(E.K/FAXWEB.AL)