Është dhënë masa e arrestit me burg në shtëpi për kryebashkiakun e Lezhës Fran Frrokajn. Ai do të mbikqyret në mënyrë elektronike.
Ai akuzohej për tjetërsim të pronave dhe shpërdorim detyre. Seanca e sotme është karakterizuar nga protesta të shumta të qytetarëve në ambjentet e jashtme të Gjykatës.
Frrokaj dhe 11 zyrtarët e tjerë të arrestuar për abuzime me pronat dolën sot para gjyqit për rivlerësimin e masës së sigurisë. Para nisjes së seancës forca policie kanë rrethuar gjykatën, në kuadër të marrjes së masave të sigurisë.
Fran Frrokaj dhe 12 zyrtarët e arrestuar, sikurse edhe 11 persona të tjerë në kërkim akuzohen se në bashkëpunim me njëri tjetrin duke abuzuar me detyrën kanë kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare Shëngjin, tek vendi i quajtur “Rana e Hedhun”
(E.K/FAXWEB)
