”Shpirti dhe dëshirat janë të njëjta”, trajneri i Romës ka besim te përmbysja e madhe

Pavarësisht humbjes me rezultatin 5-2 nga skuadra e Liverpool, trajneri i Romës vijon të mbetet optimist lidhur me ndeshjen e kthimit.

Eusebio Di Francesco iu referua kështu përmbysjes së madhe që ata bënë ndaj skuadrës katalanase të Barcelonës. Ai deklaroi që ekipi i tij do të luftojë për finale.

“Sonte e nisëm shumë mirë, por me kalimin e kohës humbëm shumë duele dhe na u vështirësuan gjërat”, deklaroi Di Francesco.

“Unë besoj në përmbysje, ne mund t’ia dalim”.

“Përmbysëm Barcelonën, e di që nuk është sfidë e njëjtë, por shpirti dhe dëshira janë të njëjta. Do të luftojmë deri në fund”, shtoi ai.

(E.K/FAXWEB.AL)