Sot politikani i Partisë Demokratike, shkrimtari e gazetari i ndjerë Sokol Olldashi do të festonte 47-vjetorin e lindjes së tij.
Ka qenë nëna e tij Kozeta Mamaqi që e ka kujtuar plot mall të birin në këtë ditë, të shënuar për të, e padyshim të mbushur me mall dhe dhimbje.
Përmes një komenti në ‘Facebook’, ajo shprehet se dikur Olldashi mes duhanit shkruajti një poezi për 47-vjetorin e saj, ndërsa sot Kozeta hap krahët e përqafon mes lotëve fotografinë.
‘Shpirti im… po më mbyt malli… Ti, mes duhanit shkruajte një poezi për 47-vjetorin tim, ndërsa unë, hap krahët e përqafoj mes lotëve.
Imazhin tënd në fotografi në të 47-tin vit të ditëlindjes tënde… Fati ynë bir…’, shkruan Kozeta Mamaqi.
Kujtojmë që Sokol Olldashi u nda nga jeta natën e 20 nëntorit 2013, në një aksident tragjik në rrugën Elbasan-Tiranë.
