Kryeministri Edi Rama sot është shpjeguar para socialistëve, pse bëri marrëveshje me Bashën duke i dhënë 6 ministri, 5 drejtori dhe duke shtyrë zgjedhjet me 1 javë. Para disa fermerëve të mbledhur në zonën e Korçës, Rama u ka thënë qartë se kjo është faza e parë e marrëveshjes, të cilën shpreson që të funksionojë.
”Jemi kundërshtarë, s’bëhemi asnjëherë bashkë në vizion dhe program”, i ka siguruar Rama, duke shenjëstruar edhe analistët që e kanë komentuar ndryshe.
”Marrëveshja, kjo është pjesa e parë që askush nuk flet, nga ata që rrinë në televizione dhe çorodisin miletin.
Të hymë në një fazë ku jemi kundërshtarë dhe kemi një mijë e 1 gjëra që nuk mund të bëhemi asnjëherë bashkë në vizion dhe program, por në fund të fundit jemi përfaqësues të këtij populli, po nuk na ka faj asnjë prind që sa herë dalin në TV të vendoset pullë e kuqe.
Nuk na ka faj asnjë prind që mëson fëmijën mos shaj, shef Saliun në televizora dhe thotë ”ça më thotë mua”.
Unë shpresoj shumë që kjo pjesë të funksionojë, se nëse funksionon kjo pjesë dhe njerëzit të jenë të qetë, e pe ca i tha, futen në bisedë, ju jeni hajdutët, futen dhe socialistët dhe thonë ju demokratët jeni hajdutë.
Ne duhet të fokusohemi te ideja që Shqipëria që duam është e mundshme dhe shteti është i bëshëm. Bëmë sa mundëm, por nuk bëmë s’deshëm.
Dalim para njerëzve me kokën lart për ca kemi bërë dhe kokën ulur për atë që deshëm,, por u dhamë provën se dimë të bëjmë shtet. Shteti nuk është vetëm për një palë, edhe për socialistët, edhe për demokratë, pavarësisht se babai është me PD dhe mamaja me PS.
Kjo është një fazë që mund të kthehet një fazë historike, për t’u dhënë shërbimin real njerëzve.
Çfarë bën politika për njerëzit? I streson, i fut në sherr me njëri-tjetrin, njerëzit janë në luftë. Kjo është çmenduri. Duhet të vinë shkesët nga hëna që ne të takohemi me njëri-tjetrin, nëse do takohemi normalisht kjo do të kthehet në një të mirë për vendin, ekonominë etj.”, tha Rama. (V.G/SHUPLAKA)
Discussion about this post