Ka pasur dy lëvizje nga ana e MInitrave të LSI-së që lidhen me OMN-në. Ministri i Drejtësisë Petrit Vasili shprehu gillimisht shqetësimin se OMN-ja është në kundërshtim me Kushtetutën e Shqipërisë. Këtë shqetësim ai e shprehu në një letër dërguar Presidentit, Kryetarit të Kuvendit por edhe Ministres së Integrimit.
Klajda Gjosha nga ana e saj këtë shqetësim të Vasilit e ka paraqitur edhe pranë organizmave ndërkombëtarë. Po për këtë ka patur një reagim edhe ministri i jashtëm Bushati i cili e ka quajtur këtë si një nostalgji për filmat me diversantë.
“Besoj se kjo reformë është konkretizim i përgjegjësive kolektive. Me reformën në drejtësi ndërtojmë një kulturë politike larg blloqeve të çimentuara. Nuk bie dakord me nostalgjikët e filmave me diversantë. Kërkojnë ta portretizojnë reformën në drejtësi si cenim të sovranitetit. Kërkojnë ta portretizojnë reformën si ndërhyrje e të huajve në punët tona”- tha Bushati.
Reagimi i Bushatit u bë gjatë një deklarate ne takimin me forumet e PS në Shkodër. Bordi menaxhues i ONM-së përbëhet nga përfaqësues të Komisionit Evropian dhe përfaqësues të Qeverisë së Shteteve të Bashkuara (përfshirë Departamentin e Shtetit dhe Departamentin e Drejtësisë). (E.K/SHUPLAKA)
