Prej javësh në Shqipëri është nxehur mjaft situata. Diku tregohet dhe diku tjetër ka takime kokë më kokë. Ambasadorët dhe përfaqësues të tjerë ndërkombëtarë kanë zbritur në terren.
Pas vizitës së Fleckenstein ditën e djeshme në Tiranë dhe takimeve me krerët në vend vijojnë takimet e tjera.
Një nga temat më të nxehta është padyshim zbatimi i Reformës në Drejtësi. Në këto moment thonë burimet për ‘’Shuplakën’’ po zhvillohet një takim mes ministrit të Drejtësisë Petrit Vasili dhe dy ambasadorëve Donald Lu dhe Romana Vlahutin.
Kujtojmë se me ardhjen në krye të Drejtësisë Vasili ka shprehur shqetësimin me kushtetueshmërinë e ngritjes se OMN-së. Në letrën e tij drejtuar presidentin Nishani, kryetarit të Kuvendit Meta dhe Ministres së Integrimit Gjosha Vasili kërkonte që ky shqetësim i tij të merrej parasysh.
Si do të procedohet më tej nuk dihet po një gjë është e qartë: nevojitet dialog i menjëhershëm. (E.K/SHUPLAKA)
