Këshilli i Sigurisë Kombëtare do të mblidhet më 11 nëntor për të diskutuar në lidhje me fenomenin e kultivimit të kanabisit në vendin tonë. Mbledhja e Këshillit ishte paralajmëruar nga Presidenti Bujar Nishani, i cili u shpreh i shqetësuar për përhapjen e kultivimit të drogës në vend, që është bërë problem edhe për vendet evropiane.
Në këtë takim do të jetë i pranishëm edhe Kryeministri Edi Rama, ministri i Brendshëm Saimir Tahiri dhe kreu i SHISH Visho Ajazi. Një ditë më parë, Kryeministri Rama ironizoi deklaratën e kreut të shtetit për mbledhjen e Këshillit të Sigurisë Kombëtare, duke lënë të nënkuptohej se mund të bojkotonte këtë mbledhje.
Por, mesa duket Kryeministri edhe pse nuk ishte dakord që Këshilli i Sigurisë të mblidhet për kanabisin, ai do të jetë i pranishëm. Kujtojmë se pasditen e sotme Rama pati takim në Kryeministri me ambasadorët në vendin tonë, ku u diskutua pikërisht për kultivimin e drogës