Shqipëria do të luajë më 2 shtator përballë Lihtenshtejnit, ndeshje e vlefshme për eliminatoret e botërorit “Rusi 2018”. Mirëpo lënia jashtë e Balës për arsye dëmtimi dhe përjashtimi I Cikalleshit për shkak të vonesës kishte bërë që alternative e vetme për sulmin të ishte Armando Sadiku.
Por Sadiku i cili ka qenë lojtari më i rëndësishëm në sulm për kombëtaren tonë ku shënoi dy herë në ndeshjen ndaj Izraelit sot ka munguar në të dy seancat stërvitore, duke krijuar jo pak shqetësim për trajnerin e ri i cili nuk ka një tjetër sulmues të mirëfilltë për në qendër të sulmit.
Sadiku po kalon një virozë gripale dhe trajneri fillimisht vendosi që ta linte pushim futbollistin gjatë seancës së paradites, duke ndjekur këshillat e stafit mjekësor. Kujtojmë që menjëherë pas kësaj ndeshje Shqipëria do të luajë përballë Maqedonisë në Strumicë.
Ndërkohë trajneri Panuçi duke dashur t’i paraprijë situatës ka monitoruar sot me kujdes paraqitjet e Llullakut, Grezdës, Ahmedit e Latifit. (B.H/Shuplaka)
