Deputetja e Partisë Demokratike, Jorida Tabaku, ka publikuar një raport të Europol që flet për të dhëna shqetësuese mbi trafikun e drogës nga Shqipëria. Në raportin e saj të fundit, “Europol” shkruan se Shqipëria mbetet burimi kryesor i kanabisit bimor që trafikohet në Bashkimin Europian.
Ky raport i Europol vjen mbas raportit të DASH-it dhe deklaratës së Prokurorit italian, i cili u shpreh se kultivimi i drogës në Shqipëri është trefishuar.
Shkrimi i Jorida Tabakut:
Droga përsëri shqetësim, e konfirmon Europol!
Prioritet në rrugën e integrimit europian kanë qënë e janë një udhërrëthyes që cdo qeveri ka qënë e detyruar të ndjekë, pavarësisht programit e agendës që kishte. Deri në 2013, gjithmonë vinin në ulje detyrimet, dhe kjo qeveri është i vetmi rast ku detyrimet janë në rritje, e shqetësimi për drogën në rritje.
Raporti i fundit i Europol vjen mbas raporti të DASH, e mbas deklaratës së Prokurorit Italian Roberti që kultivimi i drogës është trefishuar në Shqipëri. Për cdo qeveri ky raport duhej të ishte shqetësues, e këmbanë alarmi që ato që thotë opozita, janë të reflektuara në cdo raport ndërkombëtar. Se droga po kthehet në shqetësim për fqinjët, droga po kthehet në pengesë për procesin e integrimit e droga po kthehet në burim të ardhurash kriminale për zgjedhjet.
Raporti i Europol thotë se:
- Prodhimi drogës, trafikimi dhe shpërndarja; Tregtia e drogës mbetet një nga format kriminale më të përhapura në BE. Më shumë se sa një e treta e grupeve kriminale aktive në BE janë të përfshira në prodhimin, trafikimin dhe shpërndarjen e llojeve të ndryshme të drogës. Shkalla e prodhimit industrial të drogës sintetike brenda vendeve të BE është zgjeruar dhe çimentuar në BE duke u kthyer në burim kryesor në shpërndarjen e saj në gjithë globin.
- Kanabisi mbetet, deri më tani, droga ilegale më e konsumuar në BE (EMCDDA & Europol 2016, EU Drug Markets Report 2016, p. 60). Në vitet e fundit, kanabisi bimor ka pasur një rritje të madhe mes konsumatorëve, kjo ka ccuar në rritjen e prodhimit të tij në vendet pranë BE-së si dhe përdoruesve brenda tregjeve të BE.
- Shqipëria mbetet burimi kryesor i kanabisit bimor që trafikohet në BE.
(XH.A/SHUPLAKA)
Discussion about this post