Në një kohë kur dy ekipet përfaqësuese, ai i Shqipërisë dhe ai i Kosovës nuk i kishin fshehur dëshirat për ta grumbulluar në ekipet përkatëse, futbollisti Mërgim Berisha i ka zhgënjyer.
Futbollisti shqiptar, Mërgim Berisha, i cili po shkëlqen në futbollin austriak, është grumbulluar me kombëtaren e Gjermanisë U21.
Berisha është një nga lojtarët që është pëlqyer shumë si nga Federata shqiptare, ashtu edhe ajo kosovare, por atij tashmë i është dhënë mundësia me shpresat e Gjermanisë.
Megjithatë, duhet përmendur fakti se deri në momentin që Mergimi nuk debuton në ndeshje zyrtare me Gjermaninë A, ai ka mundësi që të ndryshojë kombëtare dhe të zgjedhë Shqipërinë ose Kosovën.
