Shqipëria dhe vendet e rajonit renditen të fundit në Europë për nivelin e mirëqenies. Sipas studimeve nga The Boston Consulting Group (BCG), vendet e Ballkanit Perëndimor kanë treguesit më të ulët.
Ky studim bazohet mbi 44 tregues të ndryshëm, të cilët janë grupuar në tre grupe të mëdha. BCG e mat mirëqenien duke u mbështetur mbi ekonominë, investimet dhe qëndrueshmërinë e një vendi.
Në krye të klasifikimit janë vendet Skandinave me 100 pikë, vendet e Beneluksit me 95 pikë , Gjermania me 93.6 pikë, Austria me 92.7 pikë, si dhe Zvicra me 91.1.
Në vendet e Ballkanit Perëndimor, Shqipëria renditet pas Serbisë me 50 pikë, ndërsa Maqedonia është në fund të klasifikimit me 42.9 pikë.
Vendet e Ballkanit Perëndimor janë në fund të klasifikimit, në kontrast nga vendet e Europës Perëndimore, të cilat bëjnë pjesë në 10 vendet me treguesit më të mirë në botë.
Harta e klasifikimit sipas BCG:
Discussion about this post