Kombëtarja shqiptare ka mbyllur me humbje eleminatoret e Kampionatit Botëror, Rusi 2018, por ka arritur që të ruajë vendin e tretë në grupin G.
Në stadiumin “Loro Boriçi” në Shkodër kuqezonjtë, humbën me rezultatin minimal 1-0.
Pjesa e parë kaloi me dominim të Shqipërisë, ku në fillim kishte dy-tre goditje të rrezikshme në drejtim të portës së Gianluigi Buffon. Megjithatë 45 minutat e para u mbyllën në barazim të pastër pa gola.
Shqipëria insistoi edhe në pjesën e dytë, por Italia kishte kontrollin në posedim të topit, çka bëri që axurrët të vijnë deri te goli.
Kuqezinjtë kanë grumbulluar 13 pikë në 10 ndeshje, duke lënë pas Izraelin me 12 pikë.
Kombëtarja shqiptare ka arritur të koleksionojë 4 fitore (me Izraelin, Maqedoninë dhe 2 me Lihteshteinin); 1 barazim (me Maqedoninë jashtë) dhe pesë humbje (2 me Spanjën, 2 me Italinë dhe një me Izraelin.
(S.SH/Shuplaka)
