”Shqipëria është një vend i jashtëzakonshëm”, urimi i Lu-së për Vitin e Ri

Donald Lu, ambasadori i SHBA në vendin tonë, ka uruar qytetarët shqiptarë për Vitin e Ri 2018.

Në faqen online të Ambasadës Amerikane, përcillet mesazhi i ambasadorit Lu, i cili thotë se Shqipëria është një vend i jashtëzakonshëm dhe me njerëz të mrekullueshëm.

Teksa uroj një 2018 të mbarë, ambasadori Lu përcjell mesazhin se të gjithë së bashku duhet të angazhohemi për një të ardhme më të begatë dhe të sigurt. Më herët Lu së bashku me kreun e Bashkisë së Tiranës Erion Veliaj shpërndanë pako për familjet e komunitetit rom në Tiranë.

“Të gjithë ne në ambasadën amerikane iu urojmë të gjithë miqve tanë në Shqipëri një Vit të Ri plot shëndet dhe lumturi.

Shqipëria është një vend i jashtëzakonshëm me njerëz të mrekullueshëm. Le t’i ripërkushtohemi ndërtimit të një të ardhmeje më të drejtë, më të begatë, dhe më të sigurt për fëmijët tanë”, shkruan ambasadori i SHBA në Tiranë, Donald Lu.

(E.K/FAXWEB)