Në Tiranë mbahet Forumi Ndërkombëtar Ekonomik për të ardhmen e Europës.
Pjesë e këtij forumi, Linda Rama ka ndarë disa detaje nga ecuria e vendit që nga koha e diktaturës dhe zhvillimi i vendit gjatë ditëve të sotme.
Ajo u shpreh se Shqipëria tashmë ka ecur shumë përpara. Siç tha ajo edhe pse zhvillimi ka qenë me hapa të vegjël kanë qenë shumë të rëndësishme.
“Brenda një viti një vend krejt i izoluar qindra mijëra njerëz që u larguan si emigrantë. Ne jemi një vend i pasur me ujë, por në shtëpi kjo mungonte tek një pjesë e mirë. Një familje mesatare kishte një shtëpi 30 metër katror për familje. Energjia elektrike kishte mungesa. Në ‘91 ‘92 ‘93 ekonomia informale ishte gjysma e ekonomisë në Shqipëri. Në 35 vite jemi ne brezat e rinj të asaj kohë që qemë në gjendje të fitonim kohën e humbur të prindërve tanë për shkak të mundësive që ata patë, dhe për të dalë nga komunizmi. Presidentin Macron e dëgjova shumë e lumtur që ai është mbështetës i anëtarësimit tonë. Dhe kjo është e drejtës sepse Shqipëria duhet të jetë në Europë. Dhe ka qenë brezi ynë që e ka bërë këtë. Gjithçka që po ndodh sot po lë gjurmë për brezat e rinj. Duhet të kujdesemi që të rinjtë të shfrytëzojnë të gjitha mundësitë për të ecur përpara. Nëse kemi qenë në gjendje të ecim në këtë rrugë zhvillimi, dua të them se ambasadorët më të mirë kanë qenë shqiptarët që jetojnë edhe jashtë Shqipërisë”, tha ajo
