Shqipëria mbyll me sukses fazën e grupeve, tre ndeshje-tre fitore

Pas fitoreve ndaj Bullgarisë dhe Anglisë, kombëtarja e futbollit të sallës shënon edhe një tjetër fitore.

Gjatë ndeshjes së fundit në raudin e grupeve, kombëtarja shqiptare shënoi fitoren e tretë radhazi. Këtë radhë me Maltën.

Ishte pikërisht Alibegu ai që i kaloi kuqezinjtë në avantazh, megjithatë maltezët e përmbysën rezultatin me Azopardin (12’) dhe Frendon (19’) në pjesën e parë.

Megjithatë gjatë pjesës së dytë, kuqezinjtë e kapën sërish veten dhe Brahimi në minutën e 25’ shënoi golin e barazimit, ndërsa Selmanajt në minutën e 40’ e kaloi skuadrën në avantash përsëri..
Kombëtarja shqiptare e mbyll grupin me pikë të plota dhe me një golaverazh 15-4, megjithatë ndeshjet e ardhshme pritet të jenë akoma më të vështira.

Tani vjen raundi eliminator, ku kundërshtarët tanë do të jenë Azerbajxhani, Hungaria dhe Bosnjë-Hercegovina. (D.D/Shuplaka)