Në një intevistë për “Tonight Ilva Tare” në Ora News, ambasadori i Rusisë në Shqiipëri, Aleksander Karpushin, përveç se foli për situatën në rang global dhe vrasjen e kolegut të tij në Ankara dy ditë më parë, bëri edhe një kërkesë publike për qeverinë shqiptare.
Sipas tij, Shqipëria i ka borxh Rusisë 18 mijë metra katrorë, duke patur parasysh godinën e Presidencës, e cila dikur ka qenë Ambasada e Bashkimit Sovjetik.
“Po patjetër ndihemi të shqetësuar nga këto informacione dhe brenda mundësive kemi shtuar masat e sigurisë. Kemi kërkuar edhe asistencë nga organet ligjzbatuese të Republikës së Shqipërisë por problemi është që tek kjo godinë ku ndodhemi tani nuk mundf të garantojmë masat maksimale të sigurisë, se kjo godinë merret me qera, nuk është në pronësi të shtetit rus dhe për ne është një nga çështjet më aktuale ndërtimi i një ambasade të re në Tiranë. Dikur Bashkimi Sovietik kishte ndërtuar një ambasadë shumë të mirë në Tiranë por pastaj u konfiskuan nga regjimi i Enver Hoxhës dhe në atë godinë, sot e kësaj dite ndodhet Presidenca e Republikës së Shqipërisë. Tani shpresojmë që nga pala shqiptare të marrim të paktën një truall toke ku mund të ndërtojmë një ambasadë të re me masa maksimale të sigurisë. Për këtë çështje kam diksutuar edhe Kryeministrin Rama. Në fakt ky është obligim i shtetit shqiptar, është obligim i dokumentuar, kthimi i një trualli toke me sipërfaqe 18 mijë metër katrorë, e cila ishte falur nga Shqipëria për bashkimin Sovietik”, tha ndër të tjera ambasadori i Rusisë në Shqipëri.
Ishte viti 1961 kur Shqipëria vendosi të ndërpresë marrëdhëniet diplomatike me aleatin e saj më të madh të asaj kohe, Bashkimin Sovjetik. Menjëherë pas kësaj periudhe godina e Ambasadës së Bashkimit Sovjetik (presidenca sot) u mor në adminstrim nga shteti shqiptar. (A.R/SHUPLAKA)
Godina e Presidencës, Tiranë:
