Shqipëria në flakë, kjo është panorama e këtyre javëve të fundit dhe situata sa vjen e rëndohet. Vatra zjarri të reja po përhapen në shumë prej qyteteve, ndërkohë që ekzistueset ende nuk janë shuar.
Ajo që është evidente është padyshim mungesa e mjeteve të zjarrëfikësve për të ndërhyrë, ku në shumë nga rastet tentative për të shuar flakët është bërë me mjete rrethanore.
Zjarret kanë përfshirë dhe nuk kanë kursyer madje as parqet Kombëtare të Dajtit dhe të Llogarasë ku sipërfaqe të tëra pyjesh janë djegur.
LLOGARA:
Zjarri që ka përfshirë zonën malit të Çikës disa qindra metra larg Parkut të Llogarasë, vijon tashmë prej katër ditësh, duke djegur një pjesë të mirë të pyllit me pisha.
Për shkak të largësisë nga rruga të vatrës së parë, flakët janë përhapur dhe punonjësit e zjarrëfikësve janë përpjekur ta shuajnë me mjete rrethanore.
Ndërkohë që gjatë ditës së djeshme të favorizuar dhe nga era vatrat e zjarrit kanë pasur një favorizim të mëtejshëm. Sot situata paraqitet më e qetë dhe flakët janë lokalizuar.
[ngg_images source=”galleries” container_ids=”2538″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
KRASTË, ELBASAN:
Zjarri i përmasave të mëdha ka përfshirë Kodër Krastën, në Elbasan, ka djegur një sipërfaqe të konsiderueshme me pisha.
Zjarri është përhapur me shpejtësi në të gjithë pyllin, pavarësisht ndërhyrjes së zjarrfikësve, forcave të policisë dhe punonjësve të Bashkisë së Elbasanit.
Ish-depot e dikurshme të ushtrisë në Kodër Krastë janë një tjetër shkak për t’u alarmuar, nga frika e ekzistencës së municioneve të mbetura luftarake.
Zjarri u është afruar edhe banesave në pjesën perëndimore të Krastës, ku është dashur ndërhyrja e policisë, e cila ka evakuuar banorët për shkaqe sigurie. Ditën e sotme situate në Krastë paraqitet më e qetë edhe pse zjarri vijon.
DAJT, TIRANË:
Vatrat e zjarrit prej tre ditësh kanë përfshirë edhe një zonë në Malin e Dajtit në Tiranë. Në vendngjarje mbërritën forca të shumta të Gardës, pasi në këtë zonë mund të rrezikohej dhe një objekt i rëndësisë së veçantë. Mirëpo sipërfaqe të tëra me pyje janë djegur pavarësisht përpjekjeve për të shuar flakët.
DUKAT:
Prej së martës një vatër e madhe zjarri ka përfshirë zonën e Dukatit në Vlorë duke djegur hektare pyje me pisha vazhdojnë të digjen për shkak të zjarrit. Ndërkohë që flakët nuk janë shuar edhe pas ndfërhyrjes nga ajri.
Gjendja vazhdon të jetë e përkeqësuar dhe njësi të shumta zjarrfikësish dhe punonjës të policisë, të mbështetur dhe nga banorë të zonës po mundohen për neutralizimin e flakëve. Në ndihmë kanë shkuar edhe forca të ushtrisë.
HAS:
Një zjarr masiv ka përfshirë edhe pyjet e Hasit ditën e sotme. Banorët thonë se flakët kanë shpërthyer prej dites së djeshme dhe po përhapen me shpejtësi. Sipas tyre, zjarrfikësit e kanë të pamundur të ndërhyjnë nga toka, si pasojë e terrenit tepër të vështirë.
Sigurisht që në të gjithë vendin ka vatra të tjera zjarri, shqetësime të shumta të banorëve janë shprehur në këto ditë, ndërsa mbetet evidente mungesa e mjeteve për të shuar flakët.
(E.K/SHUPLAKA)
