Ministrja e Mbrojtjes Mimi Kodheli në një dalje të minutave të fundit ka folur për situatën e zjarreve në vend. Kodheli u shpreh se situata është e rëndë po ende nuk është shpallur gjendja e armatosur në vend.
“Janë angazhuar 1 e treta e të gjithë forcave të armatosura në mënyrë që të ndihmojmë në shuarjen e zjarreve.
2 helikopterë të forcave të armatosura kanë marrë pjesë në mënyrë direkte në shuarjen e zjarreve. Kujtoj se këto janë detyra jashtë angazhimit të tyre të detyrueshëm.
Një falenderim shkon për të. T’iu them të drejtën një ndihmë të madhe kemi marrë nga fqinjët, pavarësisht se dhe ata vetë kanë probleme në vendet e tyre me zjarret.
Falenderoj homologen time italiane për ndihmën e dhënë, edhe pse ata nuk e kanë të detyrueshme që të ndërhyjnë në rastet e emergjencave.
Dua të falenderoj dhe ndërhyrjen e ministrit Bushati që foli me homologët grekë për sjelljen e dy helikopterëve të tjerë.
Situata është dramatike në të gjithë Europën, meqë jemi këtu unë dua ti bëj thirrje të gjithë qytetarëve për të kaluar këtë situatë. Dhe jo vetëm për të ndihmuar po që dhe mos të shkaktojnë zjarre. Deri tani buxhetit të shtetit kjo situatë i ka kushtuar 30 milionë lekë të reja”, u shpreh Kodheli.
Po ashtu Ministrja theksoi se në vend nuk ka më asnjë vatër aktive përveçse asaj në Thumanë.
(E.K/SHUPLAKA)
