Presidentja e Komisionit Evropian Ursula von der Leyen tha se Shqipëria nuk do të jetë vetëm, duke theksuar se gjatë konferencës së sotme të donatorëve, janë tejkaluar të gjitha pritshmëritë.
“Ne ju detyrohemi mbijetuesve që kanë humbur të dashurit dhe shtëpitë e tyre për t’i ndihmuar. Sot, Komiteti Ndërkombëtar premtoi ta ndihmojë Shqipërinë në rindërtim. Shqipëria nuk është vetëm, është një partner i rëndësishëm dhe mik i Bashkimit Evropian. Jam shumë e kënaqur që BE-ja kanë angazhuar 400 milion euro. Sot i tejkaluam të gjithë pritshmëritë. Komuniteti Ndërkombëtar ka mbetur 1 miliardë e 150 mijë euro për Shqipërisë.”- u shpreh Ursula
Nga ana e tij, kryeministri Edi Rama tha se konferenca e donatorëve kishte tejkaluar të gjitha pritshmëritë, duke nënvizuar se edhe me gjysmën e fondeve, do të ishte kthyer pa ankth në Shqipëri.
“Kam mirënjohje të jashtëzakonshme dhe të papërshkrueshme për presidenten e Komisionit Europian, e cila është njeriu kyç i donatorëve që janë dhënë sot. Ursula, faleminderit shumë. Nuk do ta harroj kurrë telefonatën tuaj, ndërsa kthehesha nga zonat e dëmtuara rëndë, për të shkuar dhe qëndruar bashkë me ata familje, të cilat humbën praktikisht më shumë se dy të tretat e familjes. Më kujtohet se përtej fjalëve të ngushëllimit, ju premtuat se do të ishit bashkë me mua në këtë përpjekje. Ju më thatë se nuk do të ishit vetëm. Do të këndoja edhe himnin e Liverpulit për ju sot. Më mbush zemrën ajo që ju dëshmuat”, tha Rama.
Discussion about this post