“Shqipëria nyje e trafikimit të kanabisit ndërkombëtar”, reagon Vasili: Rama përgjegjës, meqë ka filluar shkarkimet kolektive, të shkarkojë veten

Kreu i grupit Parlamentar të Lëvizjes Socialiste për Integrim Petrit Vasili, ka reaguar lidhur raportin e publikuar një ditë më parë nga Qendra e Monitorimit Europian për Drogat dhe varësinë nga Drogat (EMCDDA), sipas të cilës Shqipëria  cilësohej si nyje e trafikimit të kanabisit nga Afganistani, me destinacion Holandën dhe më pas Britaninë e Madhe.

Vasili bën përgjegjës kryesor për këtë rezultat kryeministrin Edi Rama, të cilit i kujton shkarkimet masive që po kryen pas fitores së mandatit të dytë.

“Qendra Europiane e Drogërave raporton që Shqipëria është në qendër të trafikut ndërkombëtar të drogës dhe situata është tejet kritike.

Kryeministri i Shqipërisë është përgjegjësi kryesor, së bashku me policinë që është nën hyqmin e tij.

Meqënëse kryeministri ka filluar shkarkimet kolektive, a do ta shkarkojë veten dhe drejtuesit e policisë?

Apo edhe për drogën, që po shkaterron vendin, ai s’ka asnjë faj e fajin edhe për këtë e kanë drejtorët e spitaleve?!”, shkruan Vasili. (D.D/Shuplaka)