Shqipëria shanse për të shkuar në Botëror? FIFA mund të dënojë Spanjën për referendumin

Sipas një artikulli të britanikes “ The Sun” FIFA mund të dënojë Spanjën për shkak të referendumit të Katalonjës e cila kërkon pavarësi nga Spanja.

“The Sun” shkruan se FIFA mund të dënojë kombëtaren spanjolle duke e privuar nga pjesëmarrja në botëror në Rusi 2018”.

Nëse Barcelona do të përjashtohej nga La Liga, kjo do të konsiderohej si ndërhyrje politike në futboll, shkruan “The Sun”.

Ky artikull ka mjaftuar që në mediat shqiptare të qarkullojnë zëra se kjo mund t’I hapë rrugë pjesëmarrjes së Shqipërisë në këtë kompeticion.

Por megjithatë kjo ka pak gjasa të ndodhë pasi shkëputja është një perspektivë e largë, duke qenë se Madridi e ka konsideruar referendumin e ditës së nesërme si jokushtetues.

Nëse diçka e tillë që tani duket gati e pamundur të ndodhte, në grupin tonë do të ndothte skenari që Italia të shkonte direkt në botëror ndërsa Shqipëria do të luante në “play-off”. Megjithatë kjo për momentin është thjeshtë një ëndërr. (B.H/Shuplaka)