Derbi mes Arsenal dhe Liverpool nuk ka fitues pasi supersfida ka përfunduar me rezultatin e barabartë 1-1, e vlefshme për javën e 11-të në Premier League, me golat e shënuar nga Milner dhe Lacazette. Derbi londinez i pati të gjitha edhe pse një gjë e tillë mes dy skuadrave gjigante dhe që janë në superformë ishte e pritshme, shkruan Sportplus. Pjesa e parë përfundoi pagola të vlefshshëm, pasi goli pozicione jashtë loje u shënuan.
Gjithashtu, të dyja ekipet dhuruan shumë raste, teksa vendosën në vështirësi portierët respektivë, por ajo që kërcënoi më tepër ishte Arsenal, e cila kërkoi më shpesh golin. Në pjesën e dytë, në minutën e 61’ Liverpool ndezi stadiumin, pasi Milner ndëshkoi skuadrën e Unai Emery me një supergoditje nga jashtë zone.
Megjithatë, pas pësimit të këtij goli, Arsenali kërkoi që të vendoste barazpeshën, teksa në minutën e 82’ Alexandre Lacazette mori një top nga e majta dhe shtangu portierin me një gol fantastik. Gjithashtu, në minutat e mbetura “Topçinjtë” kërkuan të shënon edhe golin e përmbysjes, pasi Liverpool u pozicionua vetëm në repartin e mbojtjes, por takimi u mbyll me rezultatin e barabartë 1-1 në “Emirates Stadium”.
Me këtë barazim, Liverpool arrin të marrë kreun e klasifikimit, pasi kuoton 27 pikë, një më shumë se Manchester City, i cili do të ndeshet nesër kundër Southampton në shtëpi. Ndërsa, Arsenal kuoton 23 pikë dhe ndodhet në vendin e katërt. (B.H/Faxweb)
Discussion about this post