Shqiptarët në në dy shtete, Shqipëri dhe Kosovë janë përkrahësit më besnikë të Presidentit amerikan Donald Trump.
Ky ka qenë rezultati i një sondazhi të Gallup, mbi mbështetjen e lidershpit Trump në vende të ndryshme të Botës.
Referuar sondazhit më të fundit të Gallup, në Kosovë dhe Shqipëri mbështetja për Presidentin amerikan për punën e tij në vitin e parë në krye të Shtëpisë së Bardhë është në kuotat e 75 dhe 72 %.
“Nuk është e pazakontë që shqiptarët të jenë në krye të kësaj liste; zakonisht nga ta jepen vlerësime shumë të larta për udhëheqjen amerikane”, shkruhet në raport.
E megjithatë krahasuar me një vit më parë ka një rënie me 4% të mbështetjes për lidershipin amerikan në vendin tonë.
Ndërkohë krahasuar me vendet e tjera të Rajonit, mbështetja për Trump ka një diferencë të dukshme krahasuar me Kosovën dhe Shqipërinë.
Në Maqedoni mbështetja është në kuotën e 45 %, në Rumani 41 %, në Bosnje dhe Bullgari 28 %, ndërsa në Kroaci mbështetja është në kuotën e 24 %.Në vendin e fundit renditet Serbia me vetëm 16 %.
(E.K/FAXWEB)
http://news.gallup.com/reports/225587/rating-world-leaders-2018.aspx?utm_medium=speedbump&g_source=link_newsv9&g_campaign=item_225764
