Gjatë vitit Ministria e Brendshme gjatë këtij vitit do të shpenzojë mbi 60 milionë lekë për blerjet në funksion të rritjes së sigurisë publike. Duhet të themi që rreth 80% e këtij fondi do të shkojë për pajisjet e përgjimit ku përfshihen ato për policinë shkencore dhe kriminale, shtimi i serverave si edhe mjete lundruese për drejtorinë kufitare bregdetare.
Në këtë kuadër Ministria e Brendshme ka rritur vëmendjen ndaj policisë duke rritur buxhetin, ku vetëm për gardën fondi është dyfishuar. Buxheti i akorduar nga qeveria për këtë institucion, për vitin 2018, kap vlerën prej 21.1 miliardë lekësh , buxhet i cili shënon një rritje prej 8.4% krahasuar një vit më parë.
Por lind pyetja? Pse duhet të paguajnë shqiptarët këtë pagesë për t’u vëzhguar?
Kjo ishte një nga temat më të nxehta pak muaj më parë, madje çështja shkoi deri në Gjykatë Kushtetuese. Pasi një pjesë e mirë e bizneseve dhe qytetarëve u shprehën kundër duke thekuar se kjo është në kundërshtim me Kushtetutën, si shkelje e të drejtave të njeriut. Ky ligj ka qenë propozim i ish-ministrit Tahiri. Por ligji u miratua dhe tashmë është në fuqi.
Nga qeveria u justifikua si e dosdoshme për të ulur nivelin e krimit në vend. Tashmë pritet që në rrugët, sheshet, vendet publike të vendosen kamera. Tashmë vendi po kthehet në një “Big Brother”. (J.V/Faxweb)
