Presidenti i Republikës Ilir Meta i është drejtuar pollit teksa i ka bërë thirrje për referendum, e vetmja zgjidhje që sipas tij i rikthen opushtetin dhe ndalon lakmuesit e pushtetit të rrëmbejnë çdo institucion.
Meta tha se gjatë fjalës së tij nga holli i Presidencës në njqë deklaratë të jashtëzakonshme, se vendi ndodhet në një situatë dramatike dhe se ai do të qëndrojë si kryegarant i mbrojtjes së Kushtetutës dhe se do të kuindërpërgjigjet me të gjitha forcat.
“Sot janë kapur të gjitha bashkitë e vendit. Kuvendi është lënë pa Gjykatës Kushtetuese dhe po bëhet çmos për të bllokuar krijimin e saj sipas Kushtetutës. Me këto afate një pensionist mund të mos e gëzojë atë që i takon. Prokurori i Përgjithshëm është zgjedhur në mënyrë anti kushtetuese për të korrur vendime arbitrare. Qeveria ka krijuar një borxh që qytetarët duhet ta shlyejnë në 20 vitet e ardhshme. Vendi po shpopullohet pa ndalim. Nuk ka më asnjë investim serioz nga vendet e zhvilluara. Është koha për t’i thënë ndal këtij degradimi. Shqipëria e kë pësuar njëherë.
Unë do të qëndroj si kryegarant i mbrojtjes së Kushtetutës dhe do t’i kundërpërgjigjem me të gjitha forcat. Shqiptarët të marrin fatin e tyre në dorë dhe të mos ikin më. Kushtetuta është vija e kuqe. Shqipëria nuk është dhe nuk do jetë shpresëhumbur. Presidenti do të kërkojnë popullit që përmes referendumit të mbrojë kushtetutën. Vendimi i popullit është mbi të gjitha. Presidenti do të bëjë gjithçka që kjo e drejtë të mbrohet”, tha Meta.
Duke folur për referendumin por pa dhënë një shpjegim të qartë, një rrugë e cila sipas tij do të çonte drejt një mase të tillë apo edhe kohën, Meta paralajmëroi shqiptarët të hapin sytë, ndërsa tha se do të kërkonte mbështetjen e tyre pë referendum.
“Shqiptarët të hapin sytë, të marrin fatin e tyre në dorë, në mbrojtje të kushtetutës dhe që fëmijët e tyre të mos ikin nga atdheu. Kushtetuta është vijë e pakalueshme nga armiqtë e saj. Presidenti do të jetë në mbrojtje të lirive dhe të drejtave themelore të popullit. Presidenti do të kërkojë mbështetjen e popullit që përmes referendumit të mbrojë demokracinë që është fituar me vuajtje dhe sakrifica njerëzore”.
(F.GJ/FAXWEB.AL)
Discussion about this post