Një shqiptar i cili prej 2016 po vuan dënimin 25 vjet në një burg në Britaninë e Madhe është ankuar se në burg nuk ka prostituta.
Tristen Asllani rrezikon zgjatjen e burgut, duke postuar në mënyrë të paligjshme mesazhe në rrjetet sociale duke u ankuar për mungesën e prostitutave në burgjet britanike.
Rrjeti i investigimeve BalkanInsight thotë se Tristen Asllani bëri titujt e mediave të martën duke postuar foto dhe mesazhe në një faqe në Instagram të quajtur ‘Shqiptari Im në Burg’, i zhveshur deri në bel, me sa duket duke qeshur dhe duke shkruar: “E vetmja gjë që mungon në burgjet e Mbretërisë së Bashkuar janë prostitutat”.
Asllani u burgos për 25 vjet në vitin 2016 pasi policia në Londër i gjeti atij në posedim kokainë me vlerë miliona paund dhe një armë automatike.
(M.Q/Faxweb)
