Pas një qëndrimi të gjatë në Belgjikë, ndaj shqiptarit nga Maqedonia ishte lëshuar një urdhër dëbimi.
35-vjeçari Bekim Hasani kishte krijuar një lidhje dashurie me një holandeze që nga viti 2011, një vit më pas ata ishin martuar dhe në 2013-in më në fund u njoh martesa nga shteti belg.
Po në nëntor të 2016-ës, autoritetet vendosën për dëbimin e shqiptarit, të cilin vendosën ta largonin me forcë nga një kamp refugjatësh.
Por më 20 dhjetor gjatë arrestimit në Mastriht të Hollandës, Hasani mbeti i vrarë.
Gruaja e tij ka paditur policinë me arsyetimin se ndaj të shoqit është ushtruar dhunë e tepruar.
E veja ka deklaruar për mediat vendase se gjatë muajve të fundit, i shoqi ndodhej në gjendje të rënduar psikologjike për shkak të urdhrit të dëbimit.
Hasani ishte përpjekur pa sukses të kërkonte azil në Belgjikë, por më pas u transferua në Holandë. Edhe këtu më 19 dhjetor u lëshua një tjetër urdhër dëbimi. Ditën tjetër Hasani humb jetën, ende nuk dihet arsyeja pse. (D.D/Shuplaka)
