Vrasësi shqiptar i dënuar, Selami Çokaj, i cili u arratis nga Shqipëria drejt Britanisë së Madhe nga dënimi 20 vjet, gjendet sërish në Angli, duke drejtuar një lavazh makinash në Leicester.
Çokaj, 43 vjeç, u dënua për therjen e një njeriu në vitin 1994, por u arratis vetëm tre vjet duke fluturuar për në Britani. Tashmë ai jeton me familjen e tij në një shtëpi në Oadby, Leicestershire.
Çokaj në 2009-ën u arratis nga burgu në Shqipëri, pas dënimit që kishte marrë në 1994-ën. Në mënyrë të pabesueshme ai është duke jetuar me emrin e tij të vërtëtë, raportojnë mediet britanike, ”The Sun” dhe ”DailyMail”.
Është e paqartë se si Çokaj arriti të kalojë kufirin.
Çokaj ishte në listën e më të kërkuarve të Interpolit, kur u zbulua që jetonte në Mansfield, Nottinghamshire, në vitin 2006. Ai u zbulua se ishte sërish duke drejtuar një lavazh dhe duke bërë 40 mijë paundë në vit. Ai u arrestua dy herë, por më vonë u lirua me kusht nga gjykatësit. Çokaj kërkoi më pas azil, kërkesë që zgjati qëndrimin e tij 3 vjet në Angli.
Në dhjetor të vitit 2009, 43-vjeçarin e rikthyen në Shqipëri.
Duke folur në vitin 2009, Pëllumb Seferi, kreu i Interpolit në Tiranë, tha: “Selami Çokaj është një nga njerëzit më të kërkuar në Shqipëri, sepse ai ka kryer vrasje dhe grabitje me armë.”
Çokaj arriti në vitin 1997 në Britani, duke u paraqitur si refugjat nga Kosova, nën emrin Valton Gashi. (V.G/SHUPLAKA)
[ngg_images source=”galleries” container_ids=”1105″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
