Shqiptari 58 vjeçar me banim në Greqi, emri i të cilit nuk bëhet i ditur i ka dhënë fund jetës së tij për shkak të problemeve ekonomike dhe familjare.
Policia greke ka deklaruar se ende nuk dihen shkaqet e vetëvrasjes së 58-vjeçarit, baba i tre fëmijëve, por banorë të lagjes kanë deklaruar se bëhet fjalë për probleme ekonomike dhe familjare. Shkruan TCH.
Banorët e zonës ku jetonte shqiptari janë shprehur të shokuar nga ngjarja sepse sipas tyre ai ishte një njeri i qetë dhe nuk kishte shkaktuar kurrë problem.
Trupi i tij u gjet i pajetë nga familjarët, në orët e para të mëngjesit në banesën e tij. Kufoma është dërguar për ekspertizë mjekoligjore, ndërkohë që policia e Kalkidhës ka hapur një hetim. (B.H/Shuplaka)
