Shqiptari kapet mat duke vjedhur, duke u larguar bie nga kati i dytë dhe bëhet për spital

Një shqiptar është arrestuar nga policia italiane pasi u kap mat teksa po vidhte një banesë pasditen e kaluar.

Teksa po tentonte të vidhte katin e dytë të një ndërtese, shqiptari u kap mat nga pronarja e shtëpisë e cila lajmëroi policinë.

Por në tentativë për t’u larguar, shqiptari  ka rënë nga ballkoni dhe si pasojë ka pësuar dëmtime në pjesën e legenit.

Emri i tij nuk bëhet i ditur nga autoritetet italiane, të cilët konfirmojnë vetëm që shqiptari kishte precedent të mëparshëm penal.

I akuzuari për vjedhje u dërgua me urgjencë në spitalin “Maggiore”, pasi në gjendjen që ishte nuk mund të dërgohej direkt në qelinë e paraburgimit.

Forcat policore konfiskuan dy kaçavida që shqiptari i kishte përdorur për të hapur dritaren, si prova për krimin e kryer. Ky i fundit kishte vjedhur një byzylyk argjendi, të cilin pronarja e mori përsëri në dorë.