Një ngjarje e rëndë ka ndodhur mëngjesin e sotëm në Viselhovedes të Gjermanisë, ku një shqiptar 46-vjeçar është ekzekutuar me pesë plumba.
Mediat gjemane raportojnë se shqiptari, ishte duke marrë vajzën nga shkolla, kur dy persona me motor i janë afruar dhe e kanë qëlluar me armë zjarri.
Policia ka nisur hetimet, megjithatë akoma nuk janë zbuluar autorët.
Megjithatë, policia zbulon se shqiptari më parë kishte punuar si roje në një diskotekë dhe kishte rrahur mizorisht një të ri, i cili nuk kishte arritur dot t’i mbijetonte plagëve.
Për këtë ngjarje, shqiptari, emri i të cilit nuk bëhet i ditur u dënua edhe me 1 vit burg.
Pasi u lirua nga burgu, 46-vjeçari ka kërkuar azil në Gjermani ku ka emigruar me gjithe familjen, pasi në Shqipëri i rrezikohej jeta.
Për këto arsye, pista kryesore e hetimeve është hakmarrja. Mendohet se autorët e krimit janë porositur nga Shqipëria.
Ndaj, policia gjermane po heton në pistën e hakmarrjes. Dyshimet jane se autoret te jene porositur nga Shqiperia.
Kjo ngjarje ka shokuar gjithë komunitetin, sidomos prej faktit se ka ndodhur në një ambient plot me nxënës.
Autoritetet gjermane kanë marrë masa që fëmijët që ndodheshin në skenën e krimit të nisin konsultat me mjekë psikologë. (D.D/Shuplaka)
