Një 35-vjeçar shqiptar ka përfunduar përsëri në burg në Itali. Më parë 35-vjeçari, indentiteti i të cilit nuk bëher i ditur ka rrahur gruan e tij dhe për këtë ka marrë një dëmim nga shteti Italian. Mediat italiane shkruajnë sot se shqiptari, emri i të cilit nuk bëhet i ditur ishte duke vuajtur fundin e dënimit për dhunën ndaj gruas, duke punuar kështu për llogari të shërbimeve sociale me punë vullnetare.
Gjatë kësaj kohe 35-vjeçari jetonte me të ëmën. Po edhe kësaj të fundit i ka dhënë një dru të mirë pas një sherri në banesën e tyre. Sipas policisë, ngjarja ka ndodhur brenda shtëpisë, për motive që ende nuk bëhen të ditura. “Shqiptari e ka rrahur nënën, duke i shkaktuar fraktura në dorë dhe probleme serioze në shpinë” njoftojnë mediat italiane.
Gruaja u dërgua në spital dhe mori mjekimin e nevojshëm, por nuk e kurse të birin, edhe duke ditur se në kushtet që ai ishte do e priste sërish burgu. Ajo bëri denoncimin në polici dhe menjëherë shqiptari u prangos e u dërgua në burgun e Sant’Anna nga karabinierët në Serramazzoni. (J.V/Shuplaka)
Discussion about this post