Një shqiptar ka rënë në prangat e policisë greke, pasi është kapur me 25 kilogramë marijuanë në makinë.
Mësohet se makina e të riut u pikas nga policia mbrëmjen e kaluar, në kilometrin e tretë të aksit Trikalla-Larisa.
Bardhë e blutë i bënë shenjë të ndalonte për një kontroll, mirëpo 27-vjeçari refuzoi t’u bindej, përkundrazi, shtoi shpejtësinë për t’u larguar.
Mirëpo policia e ndoqi derisa në një moment arriti ta bllokonte shqiptarin. Pas kontrollit, në makinën e tij u gjetën 2 çanta që përmbanin 50 pako me 25 kg 23 gram marijuanë, 12 tableta narkotike, 175 euro, 4 celularë.
Sipas mediave greke, droga ishte marrë nga kufiri i gjelbër prej të riut nga Shqipëria. (D.D/Shuplaka)
