Menjëherë sapo ka zbritur në aeroportin e Peruxhias, një shqiptar kanë rënë në prangat e policisë. Por të njëjtin përfundim ka gjetur edhe vëllai i tij, i cili po e priste në parkingun jashtë aeroportit.
Mediat italiane shkruajnë se dy vëllezërit ishin shpallur në kërkim, pasi dyshohen të jenë pjesë e një grupi kriminal që merret me tregtimin e lëndëve narkotike.
Vëllai më i madh, 31-vjeçar kishte përfunduar studimet në Itali, në Universitetin e Peruxhias.
Sëbashku me vëllain e tij më të vogël, i cili punonte si kamarier, ishin marrë me shitjen e kokainës në ambientet e universitetit.
31-vjeçari sapo kishte ardhur nga Tirana, por pas kontrolleve në bazën e të dhënave policia zbuloi se ndaj të riut ishte lëshuar një urdhër arresti.
Të vënë në gadishmëri për të zbuluar të tjerë të implikuar, karabinierët zbuluan edhe vëllanë e vogël i cili priste brenda makinës në parkim.
Dy të rinjtë janë dërguar në burgun e Capanne dhe sëshpejti pritet të dalin para trupit gjykues. (D.D/Shuplaka)
Discussion about this post