Sevaldi Shehaj është 38-vjeçari të cilit uiu bë atentat në plazhin italian mëngjesin e së dielës. Ai po punonte për argjinaturën e kanalit së bashku me një vajzë, kur të gjithë pushuesit u terrorizuan pasi një italian i maskuar hyri për ta qëlluar 2 herë me armë.
Ai ia doli të mbijetonte falë transportimit me helikopter në spital dhe ndërhyrjes së menjëhershme të mjekëve që qëndruan katër orë në sallën e operimit për ti hequr plumbin. Fillimisht mediat italiane raportuan se i plagosuri me origjinë shqiptare identifikohej me emrin Simone, i cili kishte precedent të mëparshëm penal dhe sapo ishte liruar nga masa e arrestit shtëpiak.
Ende nuk dihen motivet e atentatit, por policia beson se larja e hesapeve për çështjet e drogës mund të jetë shkaku kryesor. “Corriere della Sera” shkruan se hipoteza kryesore është pikërisht kjo, megjithatë Shehaj kohët e fundit nuk ka qenë afër grupeve të mëdha kriminale që veprojnë në Romë.
Kujtojmë se ishin dy persona të maskuar që kryen atentatin rreth orës 10:30 dhe u larguan me shpejtësi me një motor. Policia vijon hetimet dhe ka nisur këqyrjen e kamerave të sigurisë për të bërë të mundur identifikimin e autorëve.(A.M/Faxweb.al)
Discussion about this post