Shqiptari rreh gruan shtatzënë ndërkohë që ajo mbante fëmijën në krahë

Një natë përpara Vitit të Ri, një 31-vjeçar shqiptar ka rrahur në mënyrë mizore gruan e tij shtatzënë.

Ngjarja ka ndodhur në Padova të Italisë, rreth orës 3 të natës.

Padova Oggi shkruan se në momentin kur shqiptari rrihte gruan 27-vjeçare, ajo mbante në krahë fëmijën e parë të tyre, vetëm disa muajshe.

Sipas raportimeve, gruaja e re nuk ka arritur t’i përballojë goditjet edhe të mbajë beben në krahë, kështu që është rrëzuar bashkë me të.

Të alarmuar nga zhurmat, fqinjët njoftuan karabinierët të cilët e arrestuan shqiptarin.

Gruaja dhe foshnja u dërguan me urgjencë në spital, ku po mjekohen për plagët e marra. (D.D/Shuplaka)