Tre të rinj kanë shqyer derën e dhomës të një hoteli në Tiranë dhe kanë arritur të grabisin disa pije nga minibari së bashku me aksesorë të dhomës. Ata janë vënë në prangat e specialistëve të komisariatit nr. 3 në Tiranë.
Është kryer arrestimi i: Erdi Muçllari, 20 vjeç, banues në Tiranë – Ergys Hysejni, 20 vjeç, banues në Tiranë – Oktavian Sala, 20 vjeç, banues në Tiranë.
Një automjeti tip “Mercedes Benz” është gjetur dhe sekuestruar në cilësinë e provës materiale.
Detaje nga Policia e Tiranës:
Kryejnë vjedhje në dhomën e një hoteli, arrestohen tre të rinjtë.
Më datë 11.01.2017, Specialistët e Komisariati të Policisë Nr 3, kanë arrestuar shtetasit: – Erdi Muçllari, 20 vjeç, banues në Tiranë – Ergys Hysejni, 20 vjeç, banues në Tiranë – Oktavian Sala, 20 vjeç, banues në Tiranë.
Këta shtetas, dyshohen se në bashkëpunim me njëri tjetrin, kanë kryer vjedhje në një dhome hoteli në Tiranë. Pasi kanë parkuar mjetin në parkimin e hotelit kanë shkuar tek një nga dhomat dhe duke ushtruar forcë kanë hapur derën e dhomës, ku në brendësi të saj kanë marrë disa pije nga mini bari dhe disa aksesor të dhomës, më pas janë larguar me automjetin e tyre.
Në cilësinë e provës materiale është sekuestruar: – Automjeti tip “Mercedes Benz”. Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprën penale “Vjedhja”, parashikuar nga Neni 134/2 i Kodit Penal.
(XH.A/SHUPLAKA)
Discussion about this post