Në përfundim të fjalës së tij në Kuvend ku foli për suksesin e madh imagjinar për çeljen e negociatave, kryeministri Edi Rama iu rikthye tezës së vjetër të keqqeverisjes së Sali Berishës.
Edhe pse ka 6 vite që është në pushtet, Rama tha se fajin që nuk ka ndërtuar asnjë rrugë e ka Berisha, pasi qeverisë së tij i është dashur që të mbyllë punët e lëna gjysmë nga demokratët.
Po teksa ishte duke bërë këtë fjalim në dukje elektoral, Rama është ndeshur ne rezistencën e deputetit të futur nga listat e PD-së Halit Valteri. Ky i fundit i kërkoi që të mos e trajtonte Kuvendin si mbledhjen e socialistëve, ndërsa Rama iu kthye edhe me disa gjestikulacione.
Pjesë nga debati:
Halit Valteri: Pusho se s’do të dëgjojmë ty.
Rama: Si si the, si ishte kjo?
Halit Valteri: S’jemi në PS këtu
Rama: Edhe unë nuk mendova se do isha në mbledhje me rezervat e PD-së, por s’kam ç’të bëj.
Halit Valteri: S’do dëgjojmë këto, ik thuaja atyre në PS
Rama: Mos bëj gabime elementare. Po ça të bëj? Unë flas ato që mendoj?
Ndërkohë kur mori fjalën për replikë, Valteri tha se qeveria socialiste ka pasur mundësinë që të hetojë mbi shkeljet që janë bërë në ndërtimin e rrugëve, mes tyre dhe asaj të Kombit.
“I ke të gjitha instrumentet që të hetosh në rast se ka shkelje në rrugën e kombit, pse nuk e ke bërë në të gjithë këto vite. Nuk është faji i Lulzim Bashës dhe Monika Kryemadhit për aferat që ke bërë në sistemin e shëndetësisë”, u shpreh Valteri.
(E.K/FAXWEB.AL)
