Leo Messi shënoi dy gola kundër Betisit dhe përveç golave ai dhuroi spektakël në fushë me driblimet e tij të jashtëzakonshme.
Dy gola kundër Betisit, 19 në 21 paraqitje në La Liga – Lionel Messi është i pandalshëm këtë sezon, shkruan Express.
Driblimi fantastik i argjentinasit mbrëmë kundër Betisit po bën xhiron e botës ku brenda shtatë sekondave Leo dhuron spektakël për gjithë të pranishmit në stadium.
Pas ndeshjes, Messi, që mori notën 10 për paraqitjen ndaj Betis, u vlerësua lartë nga trajneri Ernesto Valverde.
Ai tha se Messi është më i miri aktualisht dhe më i miri ndonjëherë që ka njohur bota e futbollit dhe se më nuk do të ketë një si pesë herë fituesi i Topit të Artë.
Messi ka shënuar 25 gola në 30 paraqitje në të gjitha garat këtë edicion.
Barcelona mbrëmë ndaj Betis tregoi dy fytyra, pjesën e parë ishte më e tërhequr dhe më e kujdeshme edhe pse mbajti nën kontroll lojën, ndërsa pjesën e dytë u tregua e pamëshirshme duke shënuar 5 gola dhe duke konfirmuar formën mjaft të mirë q ëpo kalon. (B.H/Faxweb)
