Qendra Kombëtare Operacionale e Emergjencave Civile ka raportuar se gjatë 24 orëve të fundit janë shënuar 7 vatra zjarri në disa qarqe të vendit. Falë ndërhyrjes së forcave operacionale në terren, 5 prej tyre janë shuar plotësisht, ndërsa 2 vatra mbeten ende aktive.
Vatrat e shuar janë regjistruar në:
Fshatin Ndërfan, Rrëshen, bashkia Mirditë
Zonën e Astirit, njësia nr. 14, bashkia Tiranë
Lagjen “Ish-Fidanishtja”, Rajoni 5, bashkia Vlorë
Fshatin Amonicë, Sevaster, bashkia Selenicë
Fshatin Shijon, Bradashesh, bashkia Elbasan
Në qarkun Vlorë, zjarri vijon në vendin e quajtur Vumlo, afër fshatit Kudhës, bashkia Himarë. Edhe pse janë shuar vatrat në Porto Palermo dhe Qafë Lerë – Llaman, për shkak të erës dhe temperaturave të larta, një vatër është riaktivizuar në një zonë me terrën të vështirë. Në terren po punojnë forca të MZSH-së, Shërbimi Pyjor dhe bashkia, ndërsa nuk ka rrezik për zonat e banuara.
Në qarkun Kukës, në fshatin Kolsh, Mamëz, bashkia Kukës, është përfshirë nga flakët një vendgrumbullim mbetjesh urbane. Po ndërhyhet me:
2 zjarrfikëse dhe 10 efektivë
1 fadromë, 1 eskavator, 4 kamionë të bashkisë
Autoritetet vijojnë monitorimin dhe ndërhyrjen për të shmangur përhapjen e mëtejshme të zjarreve.
