Prokurori i Krimeve të Rënda Anton Martini, njëherësh dhe kandidat për SPAK, është përballur sot me procesin e rivlerësimit, në Komisionin e Pavarur të Kualifikimit.
Duket se gjetjet e paraqitura në këtë seancë dëgjimore do e çojnë Martinin drejt konfirmimit në detyrë, dhe lejimin e tij për të qenë pjesë e SPAK-ut.
ILDKPKI ka dorëzuar raportin me konstatim se deklarimi i Martinit është i saktë, në perputhje me ligjin nuk ka kryer fshehje të pasurisë dhe nuk gjendet në situatën e konflikiti të interesit.
Martini ka në pronësi një apartment banimi 97 m2 dhe garazhe me vlerë totale 90 mijë euro, arredimi i të cilit ka kushtuar 2 milionë lekë. Subjekti ka paguar 85 mijë euro dhe ka për të shlyer edhe 5 mijë euro. Dy kredi të marra për të krijuar këtë pasuri, në vitin 2007 dhe 2016 si dhe kursimet ndër vite, shuma prej 50 mijë eurosh kësti i parë i paguar në vitin 2015.
Sipas relatores së KPK, rezulton se Martini ka pasur burime të ligjshme, për të shlyer kreditë e masrra.
Në deklaratën Vetting, Martini ka deklaruar shuma parash të dhuruara nga vëllezërit e tij, në vitin 2010 ka deklaruar dhurata nga vëllai i tij të cilat janë perdorur për shkollimin e djalit.
Subjekti ka paraqitur dokumentacion për t’i justifikuar këto shuma të dhuruara.
DSIK nga ana tjetër ka sjellë një raport ku thuhet se ka konstatuar përshtatshmëri për vijimin e detyrës nga prokurori i Krimeve të Rënda.
Lidhur me aftësitë profesionale, në analizë të vlersimit te kryer nga grupi i punës në prokurorinë e pergjithshme, konstatohet se Anton Martini është i aftë profesionalish, respekton afatet ligjore në hetimet që kryen.
Anton Martini: Kam nisur punën që në vitin 1998 si Oficer i Policisë Gjyqësore në Krujë dhe në 1999 jam bërë prokuror në Lushnje, nga 2004 kam qene tek Krimet e Rënda. Në 2015 me një vendim të jashteligjshëm jam transferuar në Shkodër. Në 2016 jam kthyer tek Krimet e Rënda. Në 2017 u trasferova si titullar në Shkoder, ndersa nga mesi i 2018 jam tek Krimet e Rënda
Banesen e kam blerë me dy kredi të ndryshme pasi nuk kisha mundësi financiare për ta paguar dhe në kohën kur kam marrë kredinë e parë une kam qenë prokuror nën mbrojtje dhe smund të vija në rrezik jetën e fëmijëve që të blija një shtëpi në periferi.
(E.K/Faxweb.al)
Discussion about this post