Para disa oresh vdiq Floriani, nje i ri, nje hallexhi. Ne rrethana misterioze nje i ri u masakrua ne burgun francez e kundra deshires se prinderve iu hoq aparati qe e mbante ne jete. Ngjarja u zhvillua larg, por vragat e nje teli ne duar e fyt folen shume, foli dhe i ati qe donte te mbante me cdo kusht te birin ne jete. Folen fotot qe u shperndane kudo ne rrjete sociale ku u deshmuan momentet e fundit te djaloshit. Vetem 23 vjec.
Nje djalosh i rritur me plot halle, por qe halli me i madh iu be Europa qe e pa si shprese per te ardhmen. Po kujt ju be vone? A e ngriti zerin shteti yne perballe nje vdekje te mistershme te nje shtetasi te saj ne dhe te huaj? A e hoqi ndonje politikan çizmen ne shenje proteste? A kerkoi kush te dije zyrtarisht nga shteti yne shkakun e vdekjes? Pame ne ekranet e televizioneve vetem nje baba me syte e perhumbur drejt trupit te te birit duke shpresuar se ne ate çast do te hapte syte e do i thoshte: “Mos u tremb baba, kjo ishte nje shaka!”
E gjitha kjo ndodhi keto dite kur politika jone ka pikepyetje te medha mbi voten ne OKB per Jeruzalemin. Sepse ne jemi ai shteti trim qe arrestojme klane qe rrezikojne jeten e sportisteve izraelite ne Shkoder, por qe nuk ngreme as gishtin kur perdhoset shqiptari ne dhe te huaj. Jemi ai shteti qe arrestojme Gyleniste turq ne mes te Tiranes, por nuk na intereson nese nje djali te nje nene shqiptare i merret jeta padrejtesisht ne Paris, ne Londer, ne Rome, ne Athine…Sepse kemi shtet qe eshte kthyer ne rrogoz per te huajt e ne gardh te hekurt per qytetaret e tij plot halle.
Se i trumbetojme botes me te madhe: “Mos pranoni shqiptare azilante sepse kemi bere shtet, jemi vend i sigurt, me ekonomi”. Jemi ai vendi ku nje e moshuar pa perkrahje digjet ne banesen e saj, ku foshnje rome vdesin nen ura nga i ftohti, ku nje familje me prinder pa pune detyrohet te rrise femijet si ne Mesjete, ku pensioni e ndihma sociale jane nen minimumin jetik ndersa ky i fundit prej vitesh nuk dihet zyrtarisht sa eshte ne kete shtetin tone qe duket se ka mbyllur hallet e veta dhe qan hallet e botes. Ky shteti qe ne 27 vjet ka shtruar vektoret e fitimit per te fortet sot e 27 vite ende nuk e ka hequr ate fletushken qe ka vene perpara portes: Jemi mbyllur per ju hallexhinjte!
