Një 36-vjeçare me origjinë nga Kosova është arrestuar në Zvicër, pasi mashtronte duke thënë se ishte mjeke. Dyshimet janë se Imera I. i ka marrë një çifti zvicerian një shifër prej më shumë 200 mijë frangash duke u shtirur si mjeke.
Arrestimin e saj e ka konfirmuar kryeprokurori i kantonit të Schaffhausen, Andreas Zuber, duke thënë se kundër saj kishin mbërritur dy ankesa.
Një nga viktimat është fqinji i saj, Georg G.*, të cilit Imera ia ka marrë 212 mijë franga. Në mars 2019, ai e denoncoi në policinë e Schaffhausenit Imeran për mashtrim dhe falsifikim dokumentesh.
Gjithçka filloi në dhjetor të vitit 2017. Georg G. dhe gruaja e tij Felicia G* kishin një marrëdhënie fqinjësore me Imera I.
“Ne shpesh kemi bërë ‘grill’ së bashku”, thotë G. Imera i kishte rënë ziles së tyre në një mëngjes.
“Gruaja ime dhe unë vetëm po qëndronim ulur në mëngjes, kur ajo kërkoi urgjentisht 40 mijë franga”, thotë G. “Ajo tha se do të humbiste pacientët e saj nëse nuk do t’ia jepnim paratë”, thotë G.
Të nesërmen çifti vendosi ta ndihmonte fqinjen e tyre.
“Imera kërkoi paratë në dorë, të cilat ia dhashë, 40 mijë euro”, tha Georg G. Ai dhe bashkëshortja e tij nuk kishin dyshuar kurrë se Imera do t’ia kthente atyre borxhin brenda një kohe të shkurtër.
“Ajo ishte mjeke, është parë shpesh me qese mjekësore, dhe ajo mund të krijojë pasuri”. Ata kanë treguar se ‘mjekja’ fitonte 30 mijë franga në muaj dhe prandaj mund t’i bënte lehtë paratë për ta kthyer borxhin deri në fund të marsit.
Ka madje dëshmi për paga të rreme, sipas të cilave, Imera është paguar 14.701.70 franga në muaj. Të gjitha dokumentet janë të rreme, siç u konfirmua në një e-mail të një shefi të spitalit të BNJ të viktimës.
