Shtohen kërkesat, ç’duhet të dini nëse synoni të udhëtoni në vendet e Shengenit

Prej kohësh Policia e Shtetit ka shtrënguar masat për qytetarët që kërkojnë të udhëtojnë drejt vendeve të Shëngenit.

Shkak për këtë është bërë shtimi i numrit të qytetarëve shqiptarë që e shohin lëvizjen e lirë si një mundësi për të punuar ose për të kërkuar azil.

Ndërkohë që në një urdhër që mban firmën e Drejtorit të përgjithshëm të Policisë së Shtetit, Haki Ccako janë shtuar disa kritere të reja.

Urdhri që ashpërson kriteret dhe masat në kufi është firmosur më datën 1 gusht 2017 me numër protokolli 5792.

Mësohet se urdhri në fjalë është lëshuar pas ultimatumeve të zyrtarëve të qeverisë franceze ndaj qeverisë shqiptare, por edhe pas mesazheve e shqetësimeve që ambasadorja e Francës i përcolli direkt Drejtorit të Policisë së Shtetit gjatë takimeve me të në muajin korrik.

Kështu, sipas urdhrit të Drejtorit të Policisë, çdo shqiptar që kalon kufirin duhet t’i tregojë policit shqiptar adresën e saktë të akomodimit në vendin e destinacionit ku do të shkojë. Kriteri i dytë është ftesa që pritësit në vendin e destinacionit ku kërkohet që kjo ftesë të përmbajë kontaktet e pritësit.

Kriteri i tretë është bileta apo rezervimi i biletës për kthim në Shqipëri në momentin e paraqitjes apo të nisjes për të dalë jashtë shtetit.

Pika e fundit në katër kriteret e vendosura është ajo e mjeteve financiare për mbulimin e shpenzimeve për kohën e qëndrimit. Kjo pikë ndonëse e papërcaktuar në urdhrin e Drejtorit të Përgjithshëm të Policisë, sipas një dokumenti zyrtar të ministrisë së Jashtme ka një vlerë konkrete.

“Po sa është kjo shumë? Vende të ndryshme kanë përcaktuar shuma të ndryshme. Përafërsisht kjo shumë nuk e kalon 50 euro dita, kur shtetasi ka një rezervim hoteli”, thuhet nga Ministria e Jashtme. Ndërkohë, mësohet se në rastet kur nuk paraqitet rezervimi i hotelit, qytetarit mund t’i kërkohet të ketë me vete shuma deri në 100 euro për çdo ditë qëndrimi në zonën Shengen.

KATËR KRITERET E REJA:

Adresën e saktë të akomodimit në vendin e destinacionit ku do të shkojë;

 Ftesa e pritësit në vendin e destinacionit (të përmbajë kontaktet e pritësit);n

 Biletë rezervimi për kthimin;n

 Mjetet financiare për mbulimin e shpenzimeve për kohën e qëndrimit.n

50 euro/ditë qëndrimi në rastet e paraqitjes së rezervimit të hotelit.

100 euro/ditë në rastet kur nuk paraqitet rezervimi i hotelit në kufi.

(E.K/SHUPLAKA)