Njerëzit që kalojnë nga Gjermania në Danimarkë do të ndeshen tashmë me imazhin e ushtarëve të armatosur. Një propozim i ri i Bashkimit Evropian parashikon po ashtu që kontrollet kufitare mund të shtohen.
Nga Deutsche Welle
Danimarka vendosi të premten (29.09) ushtarë të armatosur në kufirin me Gjermaninë. Synohet që ushtarët të përforcojnë kontrollet e policisë që janë akoma në veprim në kufirin me landin gjerman të Schlesëig-Holsteinit afër qytetit të Flensburgut. Kontrollet në kufi filluan në Janar 2016 në kuadër të fluksit të refugjatëve në Evropë.
Zyrtarët danezë thanë, se ushtarët e rinj do të veprojnë në sfond dhe nuk do të marrin pjesë direkt në kontrollin e makinave. Roli i tyre kryesor është të ndihmojnë të transportohen të dyshuarit dhe të ushtrojnë detyra vëzhguese, tha për reporterët Brian Fussing nga njësia speciale e policisë kufitare të jugut të Jutlandit. Ushtarët do të dislokohen fillimisht për tre muaj. Ata nuk do të dislokohen në terminalet e tragetëve në Rodby dhe Gedser.
Kontrollet në kufi do të zgjerohen
Në fillim të javës Bashkimi Evropian propozoi një zgjerim të kontrolleve të deritanishme të përkohshme në kufijtë e brendshëm të territorit të BE-së, duke synuar sigurinë. Liria e lëvizjes është principi kyë i projektit evropian.
Kontollet kufitare në Gjermani, Austri, Danimakë dhe Norvegji janë planifikuar të mbarojnë në Nëntor me një limit dy vjeëar për vendet e Shengenit. Në qoftë se do të pranohet plani i ri i Komisionit nga qeveritë e vendeve të BE-së, këto katër vende mund t´i mbajnë kontrollet kufitare edhe për një vit tjetër në qoftë se mund t´i justifikojnë ato me ëështje të sigurisë. Komisioneri për ëështje të brendshme Dimitris Avramopoulos tha se kërcënimi i migrantëve që vijnë nga Greqia dhe Ballkani Lindor nuk është më një arësye e mjaftueshme për kontrollet kufitare.
